एमपिसी मिडिया प्रालीद्धारा सञ्चालित कखरा डटकमका सम्पादक मनिष खड्का पुरस्कृत हुनु भएकाे छ । राप्ती साहित्य परिषदको १५ औं वषैगाँठको अवसरमा सम्पादक खड्कालाई पुरस्कृत गरिएको हो । साहित्यकार तथा मुसीकोट खलंगा बहुमुखि क्याम्पसका प्राध्यापक मुकुन्दप्रसाद शर्माले राप्ती साहित्य परिषदमा स्थापना गर्नुभएको अक्षय कोषबाट खड्कालाई पुरस्कृत गरिएको हो ।
सुमना-सुमन साहित्य अक्षय कोष २०७८ बाट सम्पादक खड्कालाई पुरस्कृत गरिएको हो । पत्रकारिताको माध्यमबाट भाषा, साहित्य र कला क्षेत्रमा योगदान पुर्याएको भन्दै खड्कालाई यस अघि नै पुरस्कारका लागि छनौट गरिएको छ । अक्षय कोषका संस्थापक शर्माले नगद, प्रमाण पत्रले खड्कालाई सम्मान गर्नुभएको थियो ।
प्राप्त पुरस्कारमा आफूले पाँच सय थप गरेर उक्त रकम राप्ती साहित्य परिषदलाई सहयोग गरेको खड्काले जानकारी दिनुभयो । राप्ती साहित्य परिषदले स्थापना गरेको साहित्यमाला पुरस्कारबाट साहित्यकार नदिराम केसीलाई पुरस्कृत गरिएको छ । भाषा, साहित्य र कला क्षेत्रमा साहित्यको माध्यमबाट योगदान गरेको भनेर केसीलाई पुरस्कृत गरिएको राप्ती साहित्य परिषद रुकुम पश्चिमले जनाएको छ ।