रुकुम उद्योग वाणिज्य संघले एक व्यवसायीलाई सम्मान गरेको छ । कार्यालयमा आएका एक व्यवसायी सम्मानित भएका हुन् । रुकुम पश्चिमको सानीभेरी गाउँपालिका ३, का बलिराम कामीलाई उद्योग वाणिज्य संघले सम्मान पत्र, डायरी र अविरले सम्मान गरेको हो । आर्थिक वर्ष २०७८/०७९ को व्यवसाय नविकरण गर्न आएका कविता किराना पसलका सञ्चालक कामी पहिलो नविकरणकर्ता बन्नुभएको छ ।  चालु आर्थिक वर्षको पहिलो नविकरणकर्ताका रुपमा कामीलाई सम्मान गरिएको संघले जनाएको छ । उहाँको व्यवसाय निःशुल्क नविकरण पनि गरिएको छ ।

व्यवसाय नविकरणका लागि चालु आर्थिक वर्षको सुरुमै आउनु भएका कामीलाई समग्र व्यवसायीको तर्फबाट प्रतिनिधिमुलक ढंगबाट सम्मान गरिएको संघका कम्प्युटर अपरेटर ओमकार बुढा मगरले जानकारी दिनुभयो । आर्थिक वर्षको सुरुमै व्यवसाय नविकरण गर्न आएका कारणले कामीलाई सम्मान र नविकरण दस्तुर पनि छुट दिइएको बुढाले बताउनुभयो । अरु व्यवसायीले पनि चालु आर्थिक वर्षमा व्यवसाय नविकरण सुरु गरेका छन् ।