मध्यपहाडी लोककार्ग अवरुद्ध भएको छ । लगातारको भारी बर्षाका कारण पहिरो जादा सडक अवरुद्ध भएको हो । मध्यपहाडी लोक मार्ग अन्तर्गत रुकुम पूर्वको सिस्ने गाउँपालिका ६, स्थित रानीकोटमा पहिरो गएपछि सडक अवरुद्ध भएको हो । सडकमा पहिरो झरेपछी बिहानैदेखि यातायातका साधन चल्न सकेका छैनन् ।

सडक माथीबाट ठूलो पहिरो झरेपछी सवारी साधन आवतजावत गर्ने समस्या भएको छ । पहिरोका कारण गाडीहरु रानीकोटमै रोकिएका छन् । सडक अवरुद्ध कारण यातायातका साधन ठप्प छन जस्ले गर्दा छोटो तथा लामो दुरीका यात्रुलाई समस्या भइरहेको छ ।

पहिरोले अवरुद्ध बनाएको सडकलाइ खुलाउन प्रयास भइरहेको जिल्ला प्रहरी प्रमुख प्रहरी नायव उपरीक्षक गणेशबहादुर श्रेष्ठले जानकारी दिनुभयो । सडक खुलाउनका लागि डोजर लगाइएको छ । यद्यपी निरन्तर पहिरो खसेका कारण सडक सुचारु गर्न भने समस्या रहेको प्रहरीले बताएको छ ।