जिल्ला प्रहरी कार्यालय रुकुम पश्चिमले सर्वसाधारणलाई मास्क र सेनिटाइजर वितरण गरेको छ । सदरमुकाम मुसीकोट खलंगा बजारमा भेटिएका करिब ५ सय जनालाई मास्क र सेनिटाईजर वितरण गरिएको जिल्ला प्रहरी कार्यालयले जनाएको छ ।कोभिडको जोखिम हटिनसकेकाले सुरक्षा सतर्कता अपनाउन आग्रह गर्दै सर्वसाधारणहरुलाई मास्क र सेनिटाइजर वितरण गरिएको जिल्ला प्रहरी प्रमुख प्रहरी नायब उपरीक्षक ध्रुवकुमार श्रेष्ठले जानकारी दिनुभयो । उहाँ आफैले यि सामग्री वितरण गर्नुभएको थियो । 

विभिन्न संघ संस्थाहरुले सहयोग गरेका मास्क र सेनिटाइजर सर्वसाधारणलाई बाँढिएको डिएसपी श्रेष्ठले बताउनुभयो । सामुदायिक प्रहरी साझेदारी अवधारणा अन्तरगत प्रहरीले कोभिड नियन्त्रणमा सघाउ पुर्याउन तपाईको मास्क खै अभियान संचालन गरिरहेको छ । यस अभियानमा मास्क खै भनेर सोध्ने मात्र नभई सर्वसाधारणलाई मास्क समेत वितरण गर्न लागिएको प्रहरीले जनाएको छ । यसलाई जिल्लाभरमा विस्तार गर्ने प्रहरीको भनाई छ ।