रुकुम पश्चिममा क्रियाशिल विभिन्न खेलसँग सम्बन्धित विभिन्न संघ, संगठनलाई अधिवेशनका लागि आह्वान गरिएको छ । जिल्ला खेलकुद विकास समितिले साउन महिना भित्रै सबै संघ, संगठनलाई साधारण सभा अर्थात अधिवेशन गर्न अनुरोध गरेको हो ।नियमित अविधेशन अर्थात साधारण गर्नुपर्ने भएकाले सबैलाई साउन महिना भित्रै अधिवेशन गर्न भनिएको अध्यक्ष शैलेशकुमार शर्माले जानकारी दिनुभयो । अधिवेशन नगरेकाहरु सबैलाई यही महिना भित्रै अधिवेशन गरी अपडेट हुन भनिएको अध्यक्ष शर्माले बताउनुभयो ।

सबैसँगको छलफलपछि साउन महिना भित्रै सबैको साधारण सभा वा अधिवेशन गर्ने र संघहरु दुरुस्त राख्ने योजनामा जिल्ला खेलकुद विकास समिति रहेको छ । जिल्लामा क्रियाशिल अधिकांशको कार्यावधि सकिएको जनाइएको छ । जिल्ला भलिबल संघ, जिल्ला फुटबल संघ, जिल्ला क्रिकेट संघ, जिल्ला ब्याडमिन्ट संघ, तेक्वान्दो, कराँते, बुद्धिचाल संघ जिल्लामा क्रियाशिल छन् । फुटबल र क्रिकेट बाहेक अरु सबैले अधिवेशन गर्नुपर्ने अवस्था रहेको जिल्ला खेलकुद विकास समितिले जनाएको छ ।