राष्ट्रिय युवा संघ नेपाल रुकुम पूर्वले सिस्ने गाउपालिका वडा नम्बर ६ मा रहेको वैकल्पिक सुरक्षा प्रहरी पोष्टलाई स्वास्थ्य सामग्री सहयोग गरेको छ । जिल्लामा अझै पनि कोरोना संक्रमण रोकथाम तथा नियन्त्रण भईनकेकाले कोरोना रोकथामका लागि अग्रपंक्तिमा रहेर काम गर्ने सुरक्षाकर्मीलाई स्वास्थ्य सामग्री प्रदान गरिएको हो ।

प्रहरी पोष्टलाई मास्क, सेनिटाईजर र ग्लोब्स लगाएतका स्वास्थ्य सामग्रीहरु प्रहरी पोष्टमै पुगेर हस्तान्तरण गरिएको राष्ट्रिय युवा संघ रुकुम पूर्वका सचिव मित्रलाल केसीले जानकारी दिनुभयो । कोरोना भाइरस फैलावटलाई रोक्नका लागि प्रहरी साझेदारी सचेतनामुलक कार्यक्रममा सहभागी भई प्रहरी पोष्टलाई सामग्री सहयोग गरिएको उहाँले बताउनुभयो ।

उक्त प्रहरी पोष्टमा कार्यरत सुरक्षाकर्मीले स्वास्थ्य सामाग्री सहयोग गर्ने युवा संघलाई धन्यवाद दिएका छन ।