रुकुम पूर्वमा दुई जना नदिमा बेपत्ता भएका छन । पुथाउत्तरगंगा गाउँपालिका वडा नम्बर १४ राङसीका एक दम्पती नदिमा हाम फालेर बेपत्ता भएका हुन । आइतबार साँझ साढे ६ बजे बेपत्ता भएका उनिहरु अहिलेसम्म फेला परेका छैनन ।  ३६ वर्षीय मनिचन कामी र उनकी श्रीमती ३० वर्षीया अमृता कामी त्रिवेणीको पुलबाट हामफालेर उत्तरगंगा नदिमा बेपत्ता भएको प्रहरीले जनाएको छ ।

आइतबार साँझ दुई श्रीमान श्रीमतीबी झगडा भएपछि श्रीमती नदिमा हाम फालेको र उनलाई बचाउन भनी नदिमै पसेका श्रीमान पनि बेपत्ता भएको । साँझ साढे ६ बजे घटना घटेको भए पनि प्रहरीलाई साढे ७ बजे मात्रै खबर पुगेको थियो । जिल्ला प्रहरी प्रमुख प्रहरी नायव उपरीक्षक गणेशबहादुर श्रेष्ठले बेपत्ता दुबै जनाको खोजी कार्य तिव्र पारिएको जानकारी दिनुभयो ।  बिहानैदेखि प्रहरीले खोजी कार्य थालेको थियो । उनिहरुको खोजिमा स्थानीय र प्रहरी परिचालन गरिएको छ ।