रुकुम पश्चिमको एक स्थानीय तहले विद्यालय व्यवस्थापन समिति गठनका लागि आह्वान गरेको छ । आठबीसकोट नगरपालिकाले नगरभित्रका सबै सामुदायिक विद्यालयलाई विद्यालय व्यवस्थापन समिति गठन गर्न निर्देशन दिएको हो ।

सबै विद्यालयका व्यवस्थापन समितिको पदावधी सकिएकाले शिक्षा एने २०२८ को संशोधन सहितको दफा १२ र शिक्षा नियमावली २०५९ संशोधन सहितको नियमित २३ बमोजिम विद्यालय व्यवस्थापन समिति गठन गर्न भनिएको हो ।

आगामी भदौ ३० गते भित्र सबै विद्यालयमा व्यवस्थापन समिति गठन गरी नगरपालिकामा जानकारी बनाउन भन्दै नगरपालिकाको शिक्षा, युवा तथा खेलकुद शाखाले जानकारी गराएको छ । शाखा प्रमुख इन्द्रबहादुर विष्टले एक सूचना जारी गरी तोकिएकै समयमा विद्यालय व्यवस्थापन समिति गठन गर्न भन्नु भएको हो ।