नव गठित नेकपा एमालेको समाजवादीमा कर्णाली प्रदेशबाट ७ जना केन्द्रीय सदस्य बनेका छन् । दल दर्ताका लागि निर्वाचन आयोगमा दिइएको निवेदनमा प्रकाश ज्वाला, चन्द्रबहादुर शाही, देवी ओली नन्दा शर्मा चपाई,शेरबहादुर केसी, रिता रावल र हंशबहादुर शाही ९५ सदस्यीय केन्द्रीय समितिमा परेका छन् ।

यसमा केही पूरानै केन्द्रीय सदस्य हुन् भने केहीलाई पहिलो पटक केन्द्रीय सदस्यको जिम्मेवारी दिइएको छ । नेकपा एमाले फुटेर नेकपा एमाले समाजवादी दर्ता गरिएको छ । माधव नेपाल, झलनाथ खनाल लगायतका नेता रहेको समाजवादी दर्ताको निवेदन परेको छ । नयाँ पार्टी दर्ता प्रक्रिया अघि बढेपछि नेता कार्यकर्ता आ आफ्नो समूह तिर खुलेरै लाग्न थालेका छन् ।