रुकुम पश्चिमको मुसीकोट नगरपालिका १० मा भिरबाट लडेर एक पुरुषको मृत्यु भएको छ । शुक्रबार साँझ स्थानीय शिलाजु भिरबाट खसेर ४५ वर्षिय डिल्लीबहादुर कठायतको मृत्यु भएको जिल्ला प्रहरी कार्यालयले जनाएको छ । भिरबाट खसेर करिब ३ सय मिटर तल साहुखोली खहरे खोलामा पुगेको जिल्ला प्रहरी कार्यालयका प्रहरी निरीक्षक डेकेन्द्र शर्माले जानकारी दिनुभयो । कठायतको घटनास्थलमै मृत्यु भएको उहाँले बताउनुभयो । शौच गर्ने क्रममा कठायत भिरबाट लडेको प्रहरीले जनाएको छ । पोष्ट मार्टम गरी अन्तिम संस्कारका लागि परिवारजनलाई शव बुझाईको प्रहरीको भनाई छ ।