रुकुम पूर्व भूमे गाउँपालिकाकी बालिका हत्या आरोपमा थप एक जना पक्राउ परेका छन् । भूमे गाउँपालिका ३ मोराबाङकी ४ वर्षीया बालिका प्रिया कुँवरको हत्या आरोपमा सोही ठाउँका दुई जना पक्राउ परेका हुन् । यस अघि प्रहरीले एक नाबालकलाई नियन्त्रणमा लिएको छ ।

मङ्गलबार दिउँसो फेरी प्रियाका आफन्तै पर्ने ३२ वर्षीय गौतम कुँवरलाई पक्राउ गरिएको जिल्ला प्रहरी प्रमुख प्रहरी नायव उपरीक्षक गणेशबहादुर श्रेष्ठले जानकारी दिनुभयो । दुवै जनालाई जिल्ला प्रहरी कार्यालयको हिरासतमा राखेर अनुसन्धान थालिएको प्रहरीले जनाएको छ ।

बालिका प्रिया आइतबार राती ८ बजे घर नजिकैको खोल्सामा मृत अवस्थामा फेला परेकी थिइन । डिएसपी श्रेष्ठ सहितको टोली घटना स्थल मोराबाङ पुगेर घटनाको स्थलगत रुपमा अनुसन्धान पनि गरिरहेको छ ।