नेकपा माओवादी केन्द्रको युवा संगठन योङ्ग कम्युनिष्ट लिग (वाईसीएल) नेपालको केन्द्रीय सदस्यमा रुकुम पश्चिमबाट तीन जना परेका छन् । दुइ जना पुनः केन्द्रीय समितिमा चयन भएका हुन् भने १ जना नयाँले केन्द्रीय समितिमा ठाउँ पाएका हुन् । शैलेशकुमार शर्मा र लक्ष्मण ओली केन्द्रीय समितिमा दोहोरिदा शुशिला शाहीले पहिलो पटक केन्द्रीय समितिमा स्थान पाउनुभएको हो । शाही महिला कोटाबाट केन्द्रीय सदस्यमा चयन हुनुभएको हो । शर्मा चौरजहारी नगरपालिका वडा नम्बर १३ का हुनुहुन्छ भने ओली त्रिवेणि गाउँपालिका वडा नम्बर १ का र शाही आठबीसकोट नगरपालिका १० की हुनुहुन्छ । आज २ सय ३१ सदस्यीय केन्द्रीय समिति चयन गर्दै वाईसीएलको राष्ट्रिय भेला सम्पन्न भएको छ । उक्त समितिमा जिल्लाबाट ३ जना अटाएका हुन् ।