रेडक्रस स्थापना दिवसको अवसरमा रुकुम पूर्वको सिस्ने गाउँपालिका ५ मा रहेको कमल दहमा सरसफाई गरिएको छ । दह वरिपरी रहेको फोहोर हटाईएको छ । कमल दहमा युवाहरुको सक्रियतामा हरेक शनिबार सरसफाई गर्ने गरिएको छ । आज रेडक्रस स्थापना दिवसको अवसर पारेर सरसफाई गरिएको हो । सफाई कार्यक्रम अन्तरगत विभिन्न प्रजातीका बिरुवाहरु दह वरपर रोपिएको छ । आज उक्त बिरूवाको गोडमेल समेत गरिएको छ । 

त्यस्तै दिवसको अवसरमा जिल्लाका ३ वटै स्थानीय तहहरुलाई अक्सिजन कन्सन्ट्रेटर र उपस्थित बिद्यालयहरुलाई मास्क, थर्मल गण र अक्सीमिटर बितरण गरिएको छ । कार्यक्रममा जनप्रतिनिधि, कर्मचारी, सुरक्षाकर्मी, शिक्षक तथा स्थानीय सर्वसाधारणहरुको समेत सहभागिता रहेको नेपाल रेडक्रस सोसाईटी रुकुम पूर्वका लेखापाल कश्माकर खड्काले जानकारी दिनुभयो ।