कौछे पहिरोले असार देखि अवरुद्ध सडक आजबाट खुलाइयो
असार महिना देखि अबरुद्ध सोलाबाङ-धाउन्ने-बालुवा सडक खण्ड आजबाट खुलेको छ । रुकुम पूर्वको सिस्ने गाउँपालिका वडा नम्बर ७ काे कौछे पहिरो हटाएपछि सडक खुलेको हो । वर्षा राेकिएपछि सिस्ने गाउँपालिकाको जेसिबि मार्फत पहिरो हटाइएको ७ नम्बर वडा अध्यक्ष अमृते बुढाथोकीले जानकारी दिनुभयो । कौछे पहिरोले विशेष गरी सिस्ने ७ र ८ का नागरिकलाई समस्यामा पारेकाे छ ।
सिस्ने ८ का सन्दिप मल्लले लामो समय देखि जिल्लाको अस्थायी सदरमुकाम रुकुमकोट जान नपाएका २ वडाका सर्वसाधारणलाई अब सदरमुकाम जान सहज हुने बताउनुभयाे । अब गाउँपालिकाले वर्षाको कारण अपरुद्ध भएका सबै वडाका ग्रामिण सडकहरु खोल्ने गाउँपालिका उपाध्यक्ष गोबरधन बुढाले बताउनुभयो ।
प्रकाशित मिति: शनिबार, भदौ १९, २०७८ २०:११
प्रतिक्रिया दिनुहोस्
थप समाज
साताको लोकप्रीय
