रुकुम पुर्वको सिस्ने गाउपालिका वडा नम्बर ५ रानिकोटमा पहिरो खस्दा सडक अबरुद्ध भएको छ । आइतबार साँझ माथीबाट ठूलो पहिरो खस्दा सडक अबरुद्ध भएको हो ।

जस्को कारण जिल्ला भित्रिने यात्रुहरु बिचमै अलपत्र परेका छन । सडक खुलाउनको लागि बिहानदेखि दुई वटा मेसिनले नियमित काम संचालन गरेपनी ठूलो पहिरो झरेकोले अहिलेसम्म सडक खुल्न नसकेको कालिका कन्ट्रकसनका सुपरभाइजर प्रकाश शाहीले जानकारी दिनुभयो ।

उहाँका अनुसार हिजो साँझदेखी सम्पुर्ण सवारी साधनहरु सडकमै अलपत्र परेका छन । जसको कारण जिल्ला भित्रीने र जिल्ला बाट बाहिरिने यात्रुहरु प्रत्यक्ष मारमा परेका छन । पानी नपरेमा बेलुका सम्म सडक खुल्न सक्ने सुपरभाइजर शाहिले बताउनुभयो ।