रुकुम पश्चिमको आठबीसकोट नगरपालिकामा रहेको सिस्ने हिमाल बाल गृहमा संरक्षित बालिकामाथि बलात्कार भएको घटनामा संलग्नलाई कारवाही गर्न नेकपा माओवादी केन्द्र रुकुम पश्चिमले माग गरेको छ । आज एक प्रेस बिज्ञप्ती जारी गर्दै नेकपा माओवादी केन्द्रका जिल्ला संयोजक गोपाल शर्मा (अनल)ले घटनाले पार्टीको गम्भिर ध्यानाकर्षण गराएको बताउनुभएको छ ।

घटनाको गम्भिर अनुसन्धान गरी घटनामा संलग्न दोषिमाथि कडा कानूनी कारवाही गर्न सम्बन्धीत निकायलाई विशेष अनुरोध गर्दछौं, शर्माले जारी गरेको बिज्ञप्तीमा भनिएको छ । माओवादी केन्द्रले बालिकामाथि भएको अपराधिक घटनाको भत्र्सना समेत गरेको छ । साथै पार्टीले घटनाको जानकारी हुने वित्तिकै बालिकाको उद्धार, सुरक्षा र दोषिलाई कानूनी कारवाहीको प्रक्रियामा लिन आवश्यक पहल लिएको भन्दै नगर प्रमुख, उप–प्रमुख सहित नगरपालिकालाई धन्यवाद पनि दिएको छ ।