रुकुम पुर्वमा कोसेली घर संचालनमा आएको छ । जिल्लाकाे सिस्ने गाउँपालिका वडा नम्बर ६ छिप्रिदहमा काेसेली घर संचालनमा ल्याइएकाे हाे । जिल्लाका दलित समुदायहरुको सीप कला र उत्पादनमा जोडिएका र पहिचान झल्काउने वस्तु राख्ने गरी संचालनमा ल्याइएकाे उक्त काेसेली घर स्वाभिमान दलित उत्थान बहुउद्देश्यीय सहकारी संस्था लिमिटेड मातहतमा रहने छ ।

दलित समुदायको परम्परागत सीप र उत्पादनलाई बजारिकरण गरि प्रचार-प्रसार गर्दै दलित समुदायको पहिचानलाई जोगाउन सीपकला संरक्षण तथा अर्गानिक उत्पादन बिक्रि केन्द्र सहकारी कोसेली घर सञ्चालनमा ल्याइएको हाे । उक्त कोसेली घरको सिस्ने गाउपालिका अध्यक्ष कुमारी बराल र प्रमुख जिल्ला अधिकारी लक्ष्मीप्रसाद बास्कोटाले आईतबार रिवन काटेर उद्घाटन गर्नुभएयाे । 

दलित समुदालयले उत्पादन गरेका सम्पुर्ण सामाग्री राख्ने र बिक्रि गर्ने उद्श्यले राखिएकाे छ ।