नेपाल कम्युनिष्ट पार्टी माओवादी केन्द्र निकट अखिल क्रान्तिकारी रुकुम पश्चिमको जिल्ला सम्मेलन आज हुँदै छ । जिल्ला सदरमुकाम खलंगाको सेरीगाउँ स्थित सहिद स्मृति प्रतिष्ठानको हलमा सम्मेलन गर्ने तयारी छ । सम्मेलनको सम्पूर्ण तयारी पूरा भएको अखिल क्रान्तिकारीले जनाएको छ । स

म्मेलनका लागि संगठनका केन्द्रीय सचिव तथा कर्णाली प्रदेश संयोजक अमरराज शाही जिल्ला आइपुग्नु भएको छ भने पार्टीको तर्फबाट जिल्ला इन्चार्ज वसन्तकुमार शर्माको उपस्थिति रहने छ । ‘जिल्लाका आम शैक्षिक समस्या पहिचान र निराकरणको लागि हाम्रो आन्दोलन, सुदृढ संगठन र उपलब्ध शैक्षिक निति कार्यन्वयनको लागि २६ औं जिल्ला सम्मेलन’ भन्ने नाराका साथ आयोजना गरिएको सम्मेलनले नयाँ जिल्ला समिति चयन गर्ने छ ।

सम्मेलनमा जिल्लाका ३ नगरपालिकाबाट २० जनाका दरले ६० र ३ गाउँपालिकाबाट १५ जनाका दरले ४५ तथा अन्य ६ गरी १ सय ११ जना प्रतिनिधि सहभागि हुनेछन् । मध्यान्ह १२ बजे सम्मेलनको उद्घाटनको तयारी भइरहेको जिल्ला संयोजक शुशिल विष्टले जानकारी दिनुभयो । सम्मेलन भोली सकिने छ ।