नेकपा एमाले निकट बिद्यार्थी संगठन अखिल नेपाल स्वतन्त्र बिद्यार्थी यूनियन (अनेरास्ववियू) रुकुम पश्चिमको चौरजहारी नगर संयोजक खिमबहादुर ओली माओवादी केन्द्र निकट अनेरास्ववियू (क्रान्तिकारी)मा प्रवेश गर्नुभएको छ । आज मुसीकोट ५ को शेरिगाउँस्थित शहीद प्रतिष्ठानको सभाहलमा सुरु भएको अनेरास्ववियू (क्रान्तिकारी)को २६ औं जिल्ला सम्मेलन उद्घाटन कार्यक्रम मार्फत ओली अनेरास्ववियू (क्रान्तिकारी)मा प्रवेश गर्नुभएको हो ।

उहाँ अनेरास्ववियूको जिल्ला कार्यालय सदस्य समेत हुनुहुन्थ्यो । त्यस्तै अनेरास्ववियू हिमालय माविका अध्यक्ष निराजन ओली पनि अनेरास्ववियू (क्रान्तिकारी)मा प्रवेश गर्नुभएको छ । उहाँहरुलाई अनेरास्ववियू (क्रान्तिकारी)का केन्द्रिय सचिव तथा कर्णाली प्रदेश इन्चार्ज अम्मरराज शाही, नेकपा माओवादी केन्द्रका केन्द्रिय सदस्य तथा जिल्ला इन्चार्ज बसन्त शर्मा लगायतले स्वागत गर्नुभएको छ ।