पुथाउत्तरगंगा गाउँपालिकाको एक खोलाले बगाउँदा एक जना बेपत्ता भएका छन् । ६ नम्बर वडाको अँधेरीखोलाले सोही गाउँपालिका १३, का ४० वर्षीय हिरा विकलाई बगाएको प्रहरीले जनाएको छ । आइतबार अपरान्ह ४ बजेतिर खोला तर्ने क्रममा विकलाई खोलाले बगाएर बेपत्ता बनाएको जिल्ला प्रहरी प्रमुख प्रहरी नायव उपरीक्षक गणेशबहादुर श्रेष्ठले जानकारी दिनुभयो ।

खोलाले एक जनालाई बगाएको भनेर आइतबार नै स्थानीयले प्रहरीलाई खबर गरेका थिए । बेपत्ताको  खोजतलास भइरहेको प्रहरीले जनाएको छ । प्रहरी चौकी हुकाम, इलाका प्रहरी कार्यालय प्वाङ खोजी कार्यमा छन् भने रुकुम पश्चिमको प्रहरीलाई पनि सूचना गरिएको डिएसपी श्रेष्ठले बताउनुभयो ।