नेपाल कम्युनिष्ट पार्टी माओवादी केन्द्र रुकुम पश्चिमले पार्टी कार्यालय बनाउन सुरु गरेको छ । मुसीकोट नगरपालिका १, स्थित पूरानो पार्टी कार्यालय भत्काएको माओवादी केन्द्रले सोही ठाउँमा भवन निर्माणको काम सुरु गरेको हो । यस अघिको पूरानो भवन जिर्ण बनेको, आवश्यक व्यवस्थापन गर्न नसक्ने खालको भएकाले भत्काइएको थियो ।

नयाँ भवन निर्माणका लागि काम सुरु गरेको पार्टीको जिल्ला समन्वय समिति संयोजक गोपाल शर्माले जानकारी दिनुभयो । घर बनाउनका लागि जग्गा सम्याउने काम सुरु भएको संयोजक शर्माले बताउनुभयो । पार्टी भित्रकै निर्माण विभागले भवन निर्माणको जिम्मा लिएको छ ।

यसैले भवन निर्माणको लागत स्टामेट तयार पार्ने र भवन बनाउने संयोजक शर्माले बताउनुभयो । भवन निर्माणका लागि आवश्यक बजेटको व्यवस्थान गरिने उहाँले जानकारी दिनुभयो । भवन निर्माणका लागि चाहिने बजेट र यसको विस्तृत योजना केही दिनमा तयार हुने हाल भने घडेरी मिलाउने काम भइरहेको पार्टीले जनाएको छ ।