रुकुम पश्चिमको मुसीकोट नगरपालिका ५ मा रहेको डिग्रे शाईकुमारी मन्दीरमा सशस्त्र प्रहरीले सरसफाई गरेको छ । संविधान दिवसको अवसरमा सशस्त्र प्रहरी बल ४७ नम्बर गुल्म रुकुम पश्चिमले आज मन्दीर परिषरमा सरसफाई गरेको हो । मन्दीर क्षेत्रमा रहेका फोहोर हटाईएको सशस्त्र प्रहरी नायव निरीक्षक बलबहादुर बुढाथोकीले जानकारी दिनुभयो ।

फोहोर टिप्नुका साथै झाडु लगाएर फोहोर हटाईएको उहाँले बताउनुभयो । सशस्त्र प्रहरी ४७ नम्बर गुल्मपति प्रहरी नायव उपरीक्षक प्रेमसिंह धामी नेतृत्वको सशस्त्र प्रहरी टोलीले मन्दीर परिषरमा सरसफाई गरेको हो । सरसफाईमा १५ जना बढीको सहभागिता रहेको बताईएको छ ।