नेपाल कम्युनिष्ट पार्टी एकीकृत समाजवादी रुकुम पश्चिम अन्तर्गत मुसीकोट नगरपालिकाको भेला तथा बैठक सम्पन्न भएको छ । मुसीकोट नगरपालिका १, बाल मन्दिरमा भएको भेलाले नगर कमिटि गठन तथा पुनर्गठन गरेको छ । भेलाबाट दिपकराज खड्कालाई अध्यक्ष र रविन्द्रकुमार विष्टलाई सचिवको जिम्मेवारी दिइएको छ । खड्का नेकपा एमाले हुँदा पनि नगर कमिटि अध्यक्ष नै हुनुहुन्थ्यो । 

नेकपा एसका जिल्ला कमिटि अध्यक्ष विमलकुमार पुन, कर्णाली प्रदेश सदस्य माधव गौतम, बमबहादुर पुन लगायत नेताको आतिथ्यतामा भेला भएको थियो । भेलाले ५१ सदस्यीय नगर कमिटि चयन गरेको छ । नेकपा एमालेबाट अलग भएर नेकपा एस गठन भएपछि यो पार्टी संगठन गठन तथा पुनर्गठन गर्दै हिडेको छ । रुकुम पश्चिममा पनि सबै स्थानीय तहमा गठन, पुनर्गठनको काम चलिरहेको छ ।