रूकुम पश्चिमको सानीभेरी नदीमा एक पुरूषको शव फेला परेको छ । सानीभेरी गाउँपालिका वडा नम्बर ३ ज्यामिरेमा सानीभेरी नदी किनारामा अन्दाजी ३५-४० वर्षिय पुरूषको शव फेला परेको जिल्ला प्रहरी कार्यालय रूकुम पश्चिमले जनाएको छ । शव देखेपछि स्थानीयले प्रहरीलाइ खवर गरेका थिए ।

जानकारी पछि घटनास्थलमा पुगेको र मुचुल्का तयार पारिरहेको जिल्ला प्रहरी कार्यालयका सूचना अधिकारी प्रहरी निरीक्षक कपिल शाहीले जानकारी दिनुभयो । शव चिनिने अवस्थामा नरहेको उहाँले बताउनुभयो । नदीमा बगेर छाला खुइलिएर हाड देखिएको अवस्थामा शव भेटिएको प्रहरी निरीक्षक शाहीले बताउनुभयो ।

दुइ जना मान्छे वेपत्ता भएको खबर आएको र उनका परिवारलाइ खवर गरिएको उहाँको भनाइ छ । रूकुम पूर्वको पुथाउत्तरगंगा गाउँपालिका १३ का हिरा बिक र रूकुम पश्चिमको मुसीकोट नगरपालिका १३ छिवाङका एक पुरूष वेपत्ता भएको सूचना आएको प्रहरीले जनाएको छ ।