नेपाल कांग्रेस रुकुम पश्चिम मुसीकोट नगर सभापतिमा प्रेम ओली बिजयी हुनुभएको छ । शनिबार भएको निर्वाचनबाट ओली सभापतिमा विजयी हुनुभएको हो । ओलीले आफ्ना निकटतम प्रतिद्धन्दि समिरजंग मल्ललाई ९४ मतले पराजित गर्नुभयो । ओलीले १ सय ६० मत प्राप्त गर्दा मल्लले ६६ मत मात्र पाउनुभयो ।

कांग्रेस मुसीकोटमा कुल २ सय ४७ जना मतदाता रहेकामा २ सय ३७ मत खसेको थियो । जसमा ९ मत भने बदर भएको थियो । जम्मा ४ वटा पदका लागि मतदान भएको थियो । जसमा सभापतिमा निर्वाचित ओलीको प्यानल नै विजयी भएको छ । ओली पार्टीभित्र देउवा पक्षधर हुनुहुन्छ । मुसीकोटमा यही धारको टीमले बिजय हाँसिल गरेको छ । सभापतिमा निर्वाचित ओली मुसीकोट १२ को वडाध्यक्ष समेत हुनुहुन्छ । 

सहमति जुट्न नसकेपछि पार्टी सभापति शेरबहादुर देउवा र बरिष्ठ नेता रामचन्द्र पौडेल पक्ष प्यानल नै बनाएर निर्वाचनमा गएका थिए । त्यस्तै उपसभापतिमा तुलानरसिंह बुढा र लक्ष्मणकुमार शर्मा, सचिवमा सुर्यप्रकाश शर्मा र कालीबहादुर खड्का, सह–सचिवमा धु्रवबिक्रम थापा र जयबहादुर थापा बिजयी हुनुभएको छ ।

उप सभापतिमा रतिभान खड्का र टिकाराम ओली पराजित हुँदा सचिवमा सरिता चन्द मल्ल र लिलाधर खड्का तथा सह सचिवममा कालीबहादुर महतारा र नेत्र गिरी पराजित हुनुभयो । कोषाध्यक्षमा भने सदस्यबाट आएकालाई पछि मनोनित गरिने कांग्रेस मुसीकोटले जनाएको छ ।