कांग्रेस रुकुम पूर्वको अधिवेशन रुकुमकोटमा सुरु, यि हुन सभापतिका दाबेदार ?
सहमतिमा नेतृत्व चुन्ने प्रयास, नभए चुनाव हुने ।
नेपाली कांग्रेस रुकुम पूर्वको पहिलो जिल्ला अधिवेशन जिल्ला सदरमुकाम रुकुमकोटमा आजबाट सुरु भएको छ । आज अधिवेशन उद्घाटन गरेको कांग्रेस रुकुम पूर्वले आजै साँझ देखी निर्वाचन प्रक्रिया सुरु गर्ने जनाएको छ । भोली शनिबार दिनभरीमा निर्वाचन प्रक्रिया सकेर नयाँ नेतृत्व चयन गरिसक्ने गरी काम भैरहेको कांग्रेस रुकुम पूर्वका नेता नन्दबहादुर बिष्टले जानकारी दिनुभयो ।
जिल्ला सभापतिका लागि दुई भन्दा बढी आकांक्षी रहेकोले नेतृत्वका लागि चुनाव नै हुने सम्भावना रहेको नेताहरुले बताएका छन् । तर अन्तिमसम्म सहमतिको प्रयास गर्ने कांग्रेस रुकुम पूर्वका नेताहरुको भनाई छ । सभापतिका लागि केशरमान रोका, नन्दबहादुर बिष्ट, भिमबहादुर खड्का लगायतको दाबि देखिएको छ । अरु पनि आकांक्षी देखिएको बताईएको छ ।
प्रकाशित मिति: शुक्रबार, असोज १५, २०७८ १८:१३
प्रतिक्रिया दिनुहोस्
थप राजनीति
साताको लोकप्रीय
