लुम्बिनी प्रदेशको एक मात्र हिमाली जिल्ला रुकुम पूर्वमा नेपाली कांग्रेसको जिल्ला अधिवेशन सम्पन्न भएको छ । अधिवेशनले केशरमान रोकाको सभापतित्वमा सर्वसम्मत जिल्ला कार्य समिति चयन गरेको छ । अधिवेशनले नै प्रदेश अधिवेशनका लागि प्रदेश प्रतिनिधि तथा महाधिवेशनका लागि महाधिवेशन प्रतिनिधि छनौट गरेको छ । कांग्रेसको महाविधेशनका लागि महाधिवेशन प्रतिनिधिको बढी चर्चा र खोजि हुन्छ । रुकुम पूर्व छुट्टै जिल्ला बनेपछिकाे याे पहिलाे जिल्ला अधिवेशन हाे ।

जिल्लाबाट २५ जना महाधिवेशन प्रतिनिधि सर्वसम्मच चयन भएका छन् । सुरुमा ३२ जनाले उम्मेदवारी दिएपनि पछि भने सर्वसम्मत २५ जना सर्वसम्मत चयन भएका थिए । नवनिर्वािचत महाधिवेशन प्रतिनिधि नन्दबहादुर विष्टले सबै महाधिवेशन प्रतिनिधि संस्थापन पक्षकै भएकाे दावी गर्नुभयाे । गतिशिल राजनीतिमा याे सम्भव भएकाे भनाई उहाँकाे छ । तर स्राेतका अनुसार १९ जना देउवा र ७ जना पाैडेल पक्षका रहेका छन् । उनिहरुलाई पनि देउवा पक्षमा ल्याउने कसरत भने नेताहरुले जारी राखेका छन् ।