रुकुम पूर्वको सिस्ने गाउँपालिका वडा नम्बर ७ सिस्नेरीमा आयोजित पुरुष भलिबल  प्रतियोगिता सम्पन्न भएको छ। युवा खेलकद विकास समिति सिस्ने ७ ले आयोजना गरेको  खुल्ला शुद्ध वडा स्तरीय पूरूष भलिबल प्रतियोगितामा आज सम्पन्न  भएको हो । प्रतियोगितामा रुकुम पूर्व र पश्चिमका २६ समूहले प्रर्तिस्पर्धा गरेको थिए ।  प्रतियोगितामा बाँफिकोट गाउँपालिका वडा नम्बर ४ बाँफिकोट प्रथम भएको छ ।

बाँफिकोट गाउँपालिका वडा नम्बर ३ हदलाई  ३-२ को  सेटमा हराउदै बाँफिकोट ४ प्रथम भएको हो । प्रथम हुदै बाँफिकोट गाउँपालिका वडा नम्बर ४ ले नगद ५१ हजारको साथमा  मेडल र प्रमाण पत्र हात पारेको छ । त्यस्तै बाँफिकोट गाउँपालिका वडा नम्बर ३ दह दोस्रो हुदै नगद ३१ हजारको साथमा मेडल र प्रमाण पत्र प्राप्त गर्दा रुकुम पुर्वको सिस्ने गाउँपालिका वडा नम्बर ८  तेस्रो र सिस्ने ४अम्लाचौरको सान्त्वना भएका छन्  । तेस्रो हुने सिस्ने ८ ले नगद २१ र सान्त्वना हुने सिस्ने ४ ले ११ हजारको साथमा मेडल र प्रमाण पत्र पाएका हुन ।