रुकुम पश्चिमको मुसीकोट नगरपालिका वडा नम्बर ९ ले ४१ जना बिद्यार्थीलाई निःशुल्क पोषाक वितरण गरेको छ । वडाले जुवाला आधारभुत बिद्यालयमा अध्यनरत ४१ जना बिद्यार्थीहरुलाई निःशुल्क रुपमा पोषाक बितरण गरेको हो । आज बिद्यालयमा पुगेर वडाध्यक्ष नविन ओलीले बिद्यार्थीहरुलाई पोषाक वितरण गर्नुभयो । आर्थिक वर्ष २०७८/०७९ का लागि नगर परिषदबाट स्वीकृत २ लाख ६० हजार रुपैयाँबाट वडाले वडाका २५० जना बिद्यार्थीलाई पोषाक वितरण गर्दै छ । 

सो कार्यक्रम अन्तरगत ४१ जना बिद्यार्थीलाई पोषाक वितरण गरिएको वडाध्यक्ष ओलीले बताउनुभयो । अव अन्य बिद्यालयका बिद्यार्थीहरुलाई पनि पोषक वितरण गरिने उहाँको भनाई छ । वडाका ४ वटै बिद्यालयका विपन्न र जेहेनदार बिद्यार्थीहरुलाई निःशुल्क बिद्यालय पोषाक वितरणको कार्यक्रम बनाएको वडाले जनाएको छ ।