रूकुम पश्चिमकाे सानीभेरी गाउँपालिका वडा नम्बर ११ अर्मापाखामा जिप दुर्घटना हुँदा एक जनाकाे मृत्यु भएकाे छ । आज बिहान ३ बजेतिर जिप दुर्घटना हुँदा सानीभेरी गाउँपालिका वडा नम्बर ९ का ३१ वर्षिय जीवन भण्डारीकाे मृत्यु भएकाे हाे ।

यात्रु छाडेर फर्किने क्रममा ग १ ज ४४५४ नम्बरकाे जिप सडकबाट १ सय मिटर तर खसेकाे जिल्ला प्रहरी कार्यालय रूकुम पश्चिमले जनाएकाे छ । भण्डारीकाे घटनास्थलमै मृत्यु भएकाे जिल्ला प्रहरी कार्यालयका प्रहरी निरीक्षक डेकेन्द्र शर्माले जानकारी दिनुभयाे ।

दुर्घटनामा परी २ जना घाईते भएका छन् । घाईते हुनेमा सानीभेरी ३ का १९ वर्षिय समीर परियार र वडा नम्बर १० का २९ वर्षिय तिलक खड्का रहेकाे प्रहरीले जनाएकाे छ । घाईतकाे अवस्था सामन्य रहेकाे र उपचारका लागि चाैरजहारी लगिएकाे छ ।