नेकपा माओवादी केन्द्रको युवा संगठन योङ्ग कम्युनिष्ट लिग वाइसीएलको सानीभेरी गाउँपालिका सम्मेलन सम्पन्न भएको छ । सिम्लीमा सम्पन्न भएको गाउँ सम्मेलनले नयाँ समिति चयन गरेको छ । सम्मेलनले गोविन्द बुढोथोकीको अध्यक्षतामा ३५ सदस्यीय वाइसीएलको गाउँ समिति चयन गरेको हो ।

समितिको उपाध्यक्षमा बालकृष्ण विक, सन्तोष खड्का, सचिवमा रमेश विक चय भएका छन् । सह सचिवमा रामबहादुर खड्का, यमकुमारी पुन, भिमबहादुर ओली र जयराम विक चयन भएका छन् । रुकुम पश्चिम अन्तर्गत यो पहिलो गाउँ सम्मेलन हो । वाइसीएलले यस अघि नै जिल्ला भेला गरिसकेको छ । अरु स्थानीय तह पनि सम्मेलन गर्ने तयारी भइरहेको वाइसीएलले जनाएको छ ।