प्रेस सेन्टर नेपाल रुकुम पश्चिमको जिल्ला सम्मेलन कार्तिक १३ गते हुने भएको छ । आइतबार जिल्ला सदरमुकाम मुसीकोटमा बसेको जिल्ला सम्मेलन आयोजक समितिको बैठकले संगठनको जिल्ला सम्मेलन कार्तिक १३ गते सदरमुकाम मुसीकोट खलंगामा गर्ने निर्णय गरेको हो । संगठनको जिल्ला कमिटि जिल्ला सम्मेलन आयोजक समितिमा रुपान्तरण भएको छ । मेगराज खड्काको संयोजकत्वमा सम्मेलन आयोजक समिति गठन गरिएको छ । त्यस्तै सम्मेलनलाई सफल पार्नका लागि विभिन्न विभागहरु गठन गरिएको छ । 

मेगराज खड्काको संयोजकत्वमा प्रतिवेदन लेखन, हरि गौतमको संयोजकत्वमा सदस्यता वितरण÷नविकरण, मनिष खड्काको संयोजकत्वमा प्रचार प्रसार, नारायण ओलीको संयोजकत्वमा आर्थिक व्यवस्थापन र सिजन बाँठामगरको संयोजकत्वमा अतिथि सत्कार विभाग गठन गरिएको हो । बैठकले सम्मेलनलाई भव्य रुपमा सम्पन्न गर्ने निर्णय गरेको छ । जिल्ला सम्मेलन आयोजक समिति सदस्य मेगराज खड्काको अध्यक्षतामा बसेको बैठकमा नेकपा माओवादी केन्द्रका प्रदेश कमिटि सदस्य महेन्द्र केसी, प्रेस सेन्टर नेपालका प्रदेश इन्चार्ज ध्रुबबिक्रम बुढाथोकी लगायतको आतिथ्यता रहेको थियो ।