मुगुमा भएकाे बस दुर्घटनामा मृत्यु हुनेकाे संख्या २५ पुग्याे
मुगुमा बस दुर्घटना हुँदा मृत्यु हुनेकाे संख्या २५ पुगेकाे छ । सुर्खेतबाट मुगुको सदरमुकाम गमगढीतर्फ गएको भे १ ख ३१६७ नम्बरको बस छायाँनाथ रारा नगरपालिका–७, पिना झ्यारीखोलामा दुर्घटना हुँदा २५ जनाको मृत्यु भएको र १० जना भन्दा धेरै घाइते भएका प्रमुख जिल्ला अधिकारी रोमबहादुर महतले जानकारी दिनुभयाे ।
३९ जना यात्रु रहेको बस दिउँसो २ बजेतिर दुर्घटनामा परेको हो । अहिले घटनास्थलमा उद्घारकाे काम चलिरहेकाे उहाँले बताउनुभयाे । घाइतेलाई विमानस्थलमा ल्याइरहेकाे र प्लेन तथा हेलिकप्टर मगाएकाे उहाँकाे भनाइ छ । उद्दारको काम भइरहेको र शव पनि संकलन भइरहेको प्रमुख जिल्ला अधिकारी महतले जानकारी दिनुभयाे ।
अहिले नेपाल आर्मी, नेपाल प्रहरी, सशस्त्र प्रहरी र स्थानीय वासिन्दा उद्वारका लागि घटनास्थलमा पुगेका छन् । घटनाकाे कारण खुल्न सकेकाे छैन् ।
प्रकाशित मिति: मंगलबार, असोज २६, २०७८ १६:२१
प्रतिक्रिया दिनुहोस्
थप समाज
साताको लोकप्रीय
