प्रेस सेन्टर नेपालले रुकुम पश्चिमले पालिकामा संगठन विस्तार अभियान अनुसार आज बाँफिकोटमा भेला गरेको छ । केन्द्रिय सरकुलर अनुसार प्रेस सेन्टर नेपाल रूकुम पश्चिमले हिजोबाट पालिकाहरूमा संगठन विस्तारको काम सुरू गरेको हो । जसअनुसार आज बाँफिकोटमा भएको भेलाले प्रचण्ड खत्रीको अध्यक्षतामा पालिका कमिटि निर्माणा गरेको छ । पालिकामा रहेका पत्रकार तथा सञ्चारकर्मीहरूको भेलाले खत्रीको अध्यक्षतामा ११ सदस्यीय पालिका कमिटि गठन गरेको हो ।

जसको उपाध्यक्षमा गणेश खत्री, सचिवमा बलबहादुर खत्री, सह–सचिवमा देवबाबु देवकोटा र कोषाध्यक्षमा शर्मिला रसाईली चयन हुनुभएको छ । भेलामा नेकपा माओवादी केन्द्रका प्रदेश कमिटी सदस्य धर्मबहादुर केसीको प्रमुख तथा प्रेस सेन्टर नेपालका जिल्ला आयोजक समिति सदस्य हरि गौतमको विशेष आतिथ्यता रहेको थियो । त्यस्तै नेकपा माओवादी केन्द्र जिल्ला समन्वय समिति रुकुम पश्चिमका सदस्य नरबहादुर खत्रीको पनि भेलामा सहभागिता  रहेको थियो ।