प्रेस सेन्टर नेपाल रुकुम पश्चिम मुसीकोट नगरपालिकाको भेला मुसीकोटमा सम्पन्न भएको छ । आज बिहान मुसीकोट नगरपालिका वडा नम्बर ५ शेरिगाउँमा सम्पन्न भएको भेलाले दिपेन्द्र महताराको अध्यक्षतामा १५ सदस्यीय नगर कमिटी गठन गरेको छ ।
जसको उपाध्यक्षमा फलिराम विश्वकर्मा, सचिव लोकेन्द्र कठायत र कोषाध्यक्षमा खिमला पुनमगर रहनुभएको छ । त्यस्तै सदस्यहरुमा कृष्ण पुनमगर, बिमला खड्का, टार्जन ओली, सरोज पुनमगर, अजितकुमार खड्का, विकास पाण्डे, मेनुका खड्का, मनिषा पाण्डे, राजेश गिरी, जीवन बिक र टेकबहादुर सुनार रहनुभएको छ ।
नेकपा माओवादी केन्द्रका मुसीकोट इन्चार्ज बुद्धिप्रसाद गौतम, नगर सचिव धिरन शिर्पाली, प्रेस संगठन नेपाल कर्णाली प्रदेश इन्चार्ज ध्रुबबिक्रम बुढाथोकी, वाईसीयल नेपालका केन्द्रीय सदस्य शैलेशकुमार शर्मा, मुसीकोट ५ का वडाध्यक्ष शुशिल गौतमको उपस्थितिमा भेला भएको हो ।
यो संगै प्रेस सेन्टर नेपाल रुकुम पश्चिमले जिल्लाका ५ वटा स्थानीय तहमा संगठन विस्तार गरेको छ । अब आठबीसकोट नगरपालिकामा मात्र संगठन विस्तार गर्न बाँकी छ । जिल्ला सम्मेलनको तयारीमा रहेको प्रेस सेन्टरले पहिलो पटक पालिका स्तरमा पनि संगठन विस्तार सुरु गरेको हो ।
