मजदुरीका लागि भारत गएका रुकुम पश्चिमका ३ जनाको गाडी दुर्घटनामा परी मृत्यु भएको छ । कामबाट घर फर्किने क्रममा गाडी दुर्घटना हुँदा आठबीसकोट नगरपालिका १४ ज्यामिरेकोटका सर्पु मल्ल, सोही ठाउँका टेकराज मल्ल र भद्री मल्लको निधन भएको हो । सडक माथिबाट खसेको पहिरोका कारण गाडी दुर्घटनामा परेको खवर पाएको पारिवारिक स्रोतले जनाएको छ । काजा भन्ने ठाउँमा उनिहरुको मृत्यु भएको आठबीसकोट नगरपालिका १४ को जनविकास माविका प्रध्यानाध्यापक दिपकसंगम थापाले जानकारी दिनुभयो । उनीहरु केही समय देखि भारतमा मजदुरी गर्दै आईरहेका थिए ।