रुकुम पश्चिमको चौरजहारी नगरपालिकामा खुला पुरुष फुटवल प्रतियोगिता सुरु भएको छ । कोजाग्रत पुर्णिमाको अवसरमा आज चौजहारी नगरपालिकाका प्रमुख बिशाल शर्माले प्रतियोगिताको उद्घाटन गर्नुभयो । वाईसीयल नेपाल चौरजहारी वडा नम्बर ३ ले प्रतियोगिता आयोजना गरेको हो । आज प्रतियोगिताको उद्घाटन गरिएको भए पनि खेल भने भोलीबाट हुने आयोजकले जनाएको छ । प्रतियोगितामा रुकुम पश्चिम र जाजरकोटका ११ समुहले भाग लिएका छन् । प्रतियोगिताको विजेताले ८० हजार नगद पुरस्कार पाउने छ भने उप बिजेताले ४५ हजार पाउने छ । प्रतियोगिता ७ गतेसम्म संचालन हुने आयोजकले जनाएको छ ।