रुकुम पश्चिमका एक युवा दक्षिण कोरियामा सम्मानित भएका छन् । वैदेशिक रोजगारीको शिलशिलामा कोरीया जानुभएका रुकुम पश्चिम सानीभेरी गाउँपालिका वडा नम्बर ६ कोटगाउँका कमलप्रकाश कुसारी दक्षिण कोरियाको इन्छन महानगरपालिकाले आयोजना गरेको एक कार्यक्रममा सम्मानित हुनुभएको हो ।

त्यहाँको इन्छन महानगरपालिकाले हरेक वर्ष देश बाहिरबाट आएका कामदारहरुलाई उनिहरुको काम प्रतिको बफादारिता र इमान्दारीताको आधारमा नगद पुरस्कार सहित सम्मान गर्ने गर्दछ । यस वर्षको सम्मानमा कमल प्रकास कुसारी उत्कृष्ठ कामदारमा पर्न सफल भइ सम्मानित हुनुभएको हो ।

त्यस्तै उक्त कार्यक्रममा भएको फोटो प्रतियोगितामा उहाँले खिचेको फोटो प्रथम स्थान हाँसिल गर्न सफल भएको छ । उक्त फोटो प्रतियोगितामा प्रथम स्थानमा परेको र उत्कृष्ठ कामदारमा छनौट भएपछी कमल प्रकाशले नगद पुरस्कार सहित सम्मान पत्र पनि प्राप्त गर्नुभएको छ ।