रुकुम पश्चिमको आठबीसकोट नगरपालिकाको राडी बजारमा सिसी क्यामेरा जडान हुने भएको छ । सुरक्षाका लागि बजारका मुख्य मुख्य ठाउँमा सिसी क्यामेरा जडान गर्न लागिएको नगरपालिकाले जनाएको छ । अहिले नगरकार्यपालिकाको कार्यालय र आसपासको क्षेत्रमा क्यामेरा जडान भइसकेको र बजारका मुख्य ठाउँमा पनि क्यामेरा जडान गरिने नगरपालिकाका निमित्त प्रमुख प्रशासकीय अधिकृत मणिराज शाहले जानकारी दिनुभयो । 

नगरकार्यपालिको कार्यालयमा २१ वटा र राडीको जीप काउन्टर नजिकै र नगरकार्यपालिकाको कार्यालय हुँदै खलंगा र नेपालगञ्ज जाने सडक आसपासमा ४ वटा सिसी क्यामेर जडान भइसकेको उहाँले बताउनुभयो । नगरपालिकाको कार्यसम्पादनलाई चुस्त र सेवाग्राही मैत्री बनाउने लक्षका साथ कार्यालयका सबै कार्यकक्षमा सिसी क्यामेरा जडान गरिएको छ । त्यस्तै बजारको सबैभन्दा बढी जमघट हुने पिपलबोटमा रहेको जीप काउन्टर आसपासमा सिसी क्यामेरा जडान गरिएको शाहको भनाई छ । 

सिसी क्यामेरा जडानमा ६ लाख बढी खर्च भएको निमित्त प्रमुख प्रशासकीय अधिकृत शाहले बताउनुभयो । अव स्रोतको व्यवस्थापन गरेर राडी बजारका मुख्य ठाउँमा पनि सिसी क्यामेरा जडान गरिने उहाँले बताउनुभयो ।