नेकपा एमाले रुकुम पश्चिमले जिल्लाका ६ वटै स्थानीय तहमा पार्टीको अधिवेशन सुरु गरेको छ । तीन नगर तथा तीन गाउँपालिकामा एकै साथ अधिवेशन भइरहेको हो । मुसीकोट नगरपालिकाको भने अधिवेशन सम्पन्न भएको छ । अधिवेशनले थलबहादुर ओलीलाई नगर कमिटि अध्यक्ष, टिकाराम ददेललाई उपाध्यक्ष चुडामणी गौतमलाई सचिवमा चयन गरेको छ । ७५ सदस्यीय नगर कमिटकिो उप सचिवमा वसन्ती परियार र बलराम ओलीलाई चयन गरिएको छ । बाँकी स्थानीय तहमा अधिवेशन भइरहेकाले अपडेट आउन केही समय लाग्ने जिल्ला कमिटि सदस्य तथा प्रचार विभाग प्रमुख कर्ण ओलीले जानकारी दिनुभयो ।