रुकुम पश्चिमको मुसीकोट नगरपालिका ७, साँखको ठूली दह युवा क्लवले आयोजना गरेको भलिबल प्रतियोगिता भगवती टोलले जितेको छ । प्रतियोगिता जितेको उक्त टोलले पुरस्कार वापत १६ हजार मूल्य बराबरको खसी पाएको छ ।

साँखमा बनेको खेलमैदान उद्घाटनको अवसर पारी टोल स्तरीय भलिबल प्रतियोगिता आयोजना गरिएको थियो । ९ टोलको सहभागिता रहेको उक्त प्रतियोगितामा प्रगतिशिल टोल दोस्रो, सरस्वती टोल तेस्रो भएको छने खम्बसिङ टोल सान्त्वना भएको छ ।

प्रतियोगितामा सहभागि अरु ८ टोललाई प्रमाण पत्र दिइएको थियो भने सबै टोलले खेलकुद सामग्री प्रदान गरिएको छ । दसैं, तिहारको अवसरमा रमाइलो हुने तथा थोरै भएपनि खेलको प्रबद्र्धन गर्न खेलकुद आयोजना गरिएको क्लवका अध्यक्ष दिपेन्द्र बुढाले बताउनुभयो ।