प्रेस सेन्टर रुकुम पश्चिमको पाँचौ जिल्ला सम्मेलन आज
प्रेस सेन्टर नेपालको पाँचौ जिल्ला सम्मेलन आज हुँदै छ । जिल्ला सदरमुकाम मुसीकोट नगरपालिका स्थित सेरीगाउँमा रहेको सहिद स्मृति सभा हलमा सम्मेलन गर्ने तयारी छ । विहान ११ बजे सम्मेलनको उद्घाटन हुने जनाइएको छ ।
सम्मेलनले जिल्ला समन्वय समितिको नयाँ नेतृत्व चयन गर्ने छ भने प्रदेश तथा केन्द्रीय सम्मेलनका लागि प्रतिनिधि पनि चयन गर्ने सम्मेलन आयोजक समिति संयोजक मेगराज खड्काले जानकारी दिनुभयो ।
सम्मेलनको सम्पूर्ण तयारी पूरा भइसकेको खड्काले बताउनुभयो । सेन्टरले पहिलो पटक आफ्नो संगठन पालिका स्तरसम्म विस्तार गरेको छ । जिल्लाका तीन नगर तथा तीन गाउँपालिकामा यस अघि नै संगठन विस्तार भइसकेको छ ।
प्रकाशित मिति: शनिबार, कात्तिक १३, २०७८ ०५:१९
प्रतिक्रिया दिनुहोस्
थप राजनीति
साताको लोकप्रीय
