रुकुम पश्चिमको मुसीकोट नगरपालिका ९ को होलतारामा तिहार विशेष विविध खेलकुद प्रतियोगिता तथा साँस्कृति कार्यक्रम हुने भएको छ । कार्तिक १४ देखि १६ गते सम्म तिहार विशेष विविध खेलकुद तथा साँस्कृतिक कार्यक्रम हुने भएको हो ।

‘होलतारा जाउँ तिहार विशेष विविध खेलकुद तथा साँस्कृतिक कार्यक्रम सँगै रमाउँ,’ भन्ने मुल नाराका साथ वडा स्तरीय खेलकुद समितिले कार्यक्रम आयोजना गरेको हो । शुद्ध वडा स्तरीय भलिबवल प्रतियोगिता, लोक गीत प्रतियोगिता, समूह नाच, एकल नाच भाले तान्ने, घैंटाफोर, कुर्सीरेस लगायतका कार्यक्रम आयोजना गरिएको छ ।

भलिबल प्रतियोगिता जित्नेलाई २० हजार, दोस्रोलाई १५ र तेस्रोलाई १० हजार पुरस्कार प्रदान गरिने आयोजकले जनाएको छ । लोक गीत प्रतियोगिताको प्रथमलाई एक हजार पाँच सय, दोस्रोलाई एक हजार र तेस्रो हुनेलाई पाँच सय पुरस्कारको व्यवस्था गरिएको आयोजक वडा खेलकुद समितिले जनाएको छ ।