त्रिवेणि गाउँपालिका २ मा परम्परागत रुपमा लाग्दै आएको गैरिनेटा मेला सकिएकाे छ । मेलाकाे अवसरमा भलिबल सहित विभिन्न कार्यक्रम संचालन गरिएकाे थियाे । मेलाकाे अवसरमा संचालन भएकाे भलिबल प्रतियाेगिता त्रिवेणि गाउँपालिका वडा नम्बर ४ काे बिहानी युवा क्लबले जितकाे छ । १६ टीमले भाग लिएकाे खेलमा प्रथम हुँदै बिहानी युवा क्लबले नगद ३५ हजार र कप प्राप्त गरेकाे छ ।
भलिबलमा परिवर्तन गाउँपालिका राेल्पाकाे जलजला युवा क्लब दाेस्राे भएकाे छ । फाइनलमा बिहानी युवा क्लब संग पराजित भएकाे जलजलाले नगद १८ हजार र कपमा चित्त बुझाएकाे छ । आयोजक ए समुह र मुसीकोट नगरपालिका १० को समुह शान्त्वना हुँदै १० १० हजार नगद प्राप्त गर्न सफल भएका छन् ।
त्यस्तै मेलाकाे अवसरमा आयोजित एकल नृत्यमा तारा खड्का प्रथम, हिमाली खड्का दाेस्राे र प्रान्ता केसी तेस्राे हुनुभएकाे छ । खुला लाेकदाेहरीमा अनिता बाेहराकाे समुह पहिलाे, प्रान्ता केसीकाे समुह दाेस्राे र निर्मला बुढाथाेकीकाे समहु तेस्राे हुँदा घैंटाे फाेरमा जितु कठायत विजयी हुनुभएकाे छ । कार्तिक ९ गतेबाट सुरू भएकाे मेला शुक्रबार सम्पन्न भएकाे हाे ।
