रुकुम पश्चिम जिल्ला सदरमुकाम खलंगामा चलिरहेको अन्तरपालिका स्तरीय खेलकुद प्रतियोगिता अन्तर्गत खुला पुरुष ब्याडमिन्टन तर्फको सेमी फाइनल समिकरण पूरा भएको छ । अब भोली १५ गते फाइनल खेल हुने आयोजक जिल्ला खेलकुद विकास समितिले जनाएको छ । फाइनल खेल भावेश बोहरा र सिदार्थ केसी तथा विजय कृष्ण नाथ र विजय विष्टको जोडीबीच हुने छ ।

सेमी फाइनलमा भावेश र सिदार्थको जोडीले विशाल विष्ट र अभिनास केसीको जोडिलाई हराएको थियो भने । सुधिरविक्रम शाह र यामबहादुर केसीको जोडिलाई हराएर कृष्ण र विजयको जोडी फाइनल प्रवेश गरेको थियो । प्रतियोगितामा ६७ जोडीले सहभागिता जनाएका थिए । प्रतियोगिताको विजेताले २५ हजार, उपविजेताको १५ हजार तथा सेमी फाइनल पुगेका दुई जोडीलाई ५/५ हजार नगद पुरस्कार दिइने जिल्ला खेलकुद विकास समितिका अध्यक्ष शैलेशकुमार शर्माले जानकारी दिनुभयो ।

यही प्रतियोगिता अनुसार महिला तथा खुला पुरुष भलिबल प्रतियोगिता भने चलिरहेको छ । पुरुषतर्फको सेमी फाइनलका खेल बाँकी छन् भने महिलातर्फको अब फाइनल खेल हुन बाँकी छ । जिल्ला खेलकुद विकास समितिले जिल्लाका तीन नगर तथा तीन गाउँपालिका समावेश हुने गरी अन्तरपालिका स्तरीय भलिबल प्रतियोगिता आयोजना गरेको छ । १२ गते उद्घाटन भएको प्रतियोगिता भोली सकिने आयोजकले जनाएको छ ।