रुकुम पश्चिमको खलंगामा जारी अन्तरपालिका स्तरीय खेलकुद प्रतियोगिता अन्तर्गतका सबै खेलको फाइनल आज हुने भएको छ । विहान ७ बजेदेखि खेल सुरु गर्ने आयोजक जिल्ला खेलकुद विकास समितिका अध्यक्ष शैलेसकुमार शर्माले जानकारी दिनुभयो । खुला पुरुष ब्याडमिन्टन अन्तर्गतको फाइनल, अन्तरपालिका स्तरीय महिला तथा पुरुष भलिबलको फाइनल खेल पनि आजै हुने अध्यक्ष शर्माले बताउनुभयो ।
ब्याडमिन्टनतर्फ भावेश बोहरा र सिदार्थ केसी तथा कृष्ण नाथ योगी र विजय विष्टकाबीच हुने छ । महिला भलिबलतर्फ सानीभेरी गाउँपालिका र त्रिवेणि गाउँपालिकाबीच फाइनल खेल हुने आयोजकले जनाएको छ । महिला भलिबलतर्फ बाँफिकोट आठबीसकोट नगरपालिका सेमी फाइनसम्म पुगेर सान्त्वना बनेका छन् ।
पुरुष भलिबलतर्फ भने तीन खेल बाँकी छन् । दुई वटा सेमी फाइनल र एउटा खेल फाइनलको बाँकी छ । चौरजहारी नगरपालिका र आठबीसकोट नगरपालिकाबीच हुने सेमी फाइनलबाट एउटा टिम फाइनल आउने छ भने बाँफिकोट गाउँपालिका र सानीभेरी गाउँपालिकाबीच हुने सेमी फाइनलबाट एउटा टिम फाइनलमा आउनेछ ।
महिला तथा पुरुष भलिबलतर्फ विजेताले ५५ हजार, उपविजेताले २५ हजार र सेमी फाइनल पुगेका २ टिमले १२/१२ हजार नगद पुरस्कार पाउनेछन् । ब्याडमिन्टनतर्फ विजेता जोडीलले २५ हजार, उपविजेता जोडीले १५ हजार र सेमी फाइनल पुगेका दुई जोडीले ५/५ हजार नगद पुरस्कार पाउनेछन् ।
