रुकुम पश्चिम सदरमुकाम खलंगामा आयोजना गरेको खुला पुरुष ब्याडमिन्टन प्रतियोगिता भावेश बोहरा र सिदार्थ केसीको जोडिले जितेको छ । सोमबार विहान भएको फाइलन खेलमा कृष्ण नाथ योगी र विजय विष्टको जोडीलाई ०–२ को सोझो सेटमा हराउँदै भावेश र सिदार्थको जोडी विजेता बनेको हो ।

भावेश र सिदार्थको जोडिले पहिलो खेल ८–२१ र दोस्रो खेल १३–२१ ले जितेको हो । जिल्ला खेलकुद विकास समिति रुकुम पश्चिमले आयोजना गरेको अन्तर पालिका स्तरीय खेलकुद प्रतियोगिता अन्तर्गत खुला पुरुष ब्याडमिन्टनमा ६७ जोडिले सहभागिता जनाएका थिए ।

भावेश र सिदार्थको जोडी विशला विष्ट र अभिनास केसीको जोडीलाई हराएर फाइन पुगेको थियो भने कृष्ण र विजयको जोडी सुधिरविक्रम शाह र यामबहादुर केसीको जोडिलाई हराएर फाइनल पुगेको थियो । विजेता जोडिले नगद २५, उपविजेता जोडिले १५ र सेमी फाइनल पुगेका २ जोडिले ५/५ हजार रुपैयाँ पुरस्कार प्राप्त गर्नेछन् ।

यो प्रतियोगिता अन्तगत अन्तरपालिका स्तरीय महिला तथा पुरुष भलिबल प्रतियोगिता चलिरहेको छ । महिलातर्फको भलिबलमा फाइनल मात्रै बाँकी छ भने पुरुषतर्फको सेमी फाइनल र फाइनल खेल बाँकी छन् । सबै खेल आजै सकिने जिल्ला खेलकुद विकास समितिका अध्यक्ष शैलेसकुमार शर्माले जानकारी दिनुभयो ।