रुकुम पश्चिमको मुसीकोट नगरपालिका ४ सोलावाङमा आयोजित फुटबल प्रतियोगिताको उपाधि वडा नम्बर १ को सल्लले जितेको छ । हिजो भएको फाईनलमा मुसीकोटको छिवाङलाई २–१ गोल अन्तरले पराजित गर्दै सल्ले फुटबल क्लबले नगद ४० हजार र कप जितेको हो । 

फाईनलमा सल्लेका लागि सञ्जय बुढाथोकीले २ गोल गरे भने । छिवाङका लागि १ गोल किरन केसीले गरेका थिए । फाइनलमा पराजित भएको छिवाङले २० मा चित्त बुझाएको छ । सेमिफाईनलमा आयोजकलाई पराजित गर्दै सल्ले र युनिक ब्वाइजलाई पराजित गर्दै छिवाङ फाईनल पुगेका थिए । 

सोलावाङ यूनाईटेडले आयोजना गरेको प्रतियोगितामा १७ वटा फुटबल टिमले भाग लिएका थिए । विभिन्न व्यक्तिहरुबाट सहयोग जुटाएर खेल आयोजना गरिएको आयोजक समितिका अध्यक्ष नबिन गौतमले जानकारी दिनुभयो ।