नेकपा माओवादी केन्द्रको भातृ संगठन योङ्ग कम्युनिष्ट लिग (वाईसियल) नेपाल रुकुम पश्चिमको इन्चार्जको जिम्मेवारी लक्ष्मण ओलीले पाउनुभएको छ । वाईसियल नेपालका केन्द्रीय सदस्य समेत रहनुभएका ओलीले जिल्ला इन्चार्जको समेत जिम्मेवारी पाउनुभएको हो । जिल्ला कमिटीले ओलीलाई जिल्ला इन्चार्जका लागि केन्द्रमा सिफारिस गरि पठाएको थियो । त्यसलाई हिजो बसेको केन्द्रीय कमिटी बैठकले अनुमोदन गरेपछि ओली वाईसियल नेपाल रुकुम पश्चिमको इन्चार्ज बन्नुभएको हो ।

वाईसियलको जिल्ला इन्चार्जमा यसअघि शैलेशकुमार शर्मा हुनुहुन्थ्याे । शर्मा अहिले वाईसियलको केन्द्रीय कार्यालय सदस्य हुनुहुन्छ । यसैविच जिल्ला संयोजकको जिम्मेवारी जनक बिकले पाउनुभएको छ । यसअघि पनि उहाँ नै जिल्ला संयोजक हुनुहुन्थ्यो ।