रुकुम पश्चिमको सानीभेरी गाउँपालिका वडा नम्बर १० मा सञ्चालन भएको भलिबल प्रतियोगिता सम्पन्न भएको छ । छठ पर्वको अवसर पारी जनप्रिय मयुर युवा क्लव सानीभेरी १० अर्माडाँडाले प्रतियोगिता आयोजना गरेको हो । साविक अर्मा गाविसको वडा स्तरीय खेलमा ६ वटा वडा सहभागी रहेका थिए । प्रतियोगितामा वडा नम्बर ६ प्रथम हँुदै नगद १० हजार सहित प्रमाण पत्र प्राप्त गर्न सफल भएको छ ।

दोस्रो भएको साविकको वडा नम्बर ७ ले ८ हजार नगद सहित प्रमाणपत्रमा चित्त बुझाएको छ । प्रतियोगितामा वडा नम्बर ४ तेस्रो भएको छ । उसले नगद ६ हजार सहित प्रमाण पत्र पाएको आयोजकले जनाएको छ । क्लबका सल्लाहकार गोपाल शेर्पालीको अध्यक्षतामा भएको कार्यक्रमको सञ्चालन सरस्वती मावि अर्माडाँडाका शिक्षक लक्ष्मण थापाले गर्नुभएको थियो ।